Ballon d'Or
| Ballon d'Or | ||
 | ||
| Die Ballon d'Or-trofee | ||
| Toegeken vir | Beste presterende sokkerspeler van die seisoen | |
| Borg | France Football | |
| Land | Internasionaal | |
| Eerste toekenning |  Stanley Matthews18 Desember 1956 | |
| Jongste toekenning |  Ousmane Dembélé (1ste) | |
| Meeste toekennings |  Lionel Messi (8) | |
| Webtuiste | https://ballondor.com/ | |
Die Ballon d'Or (Franse uitspraak: [balɔ̃ dɔʁ]; letterlik “Die Goue Bal”) is ’n jaarlikse sokker-toekenning wat sedert 1956 deur die Franse tydskrif France Football uitgereik word om die speler te vereer wat volgens beoordeling die beste oor die vorige seisoen presteer het. Dit word wyd beskou as die mees gesogte individuele toekenning in sokker.[1][2][3]
Die toekenning is bedink deur sportskrywers Gabriel Hanot en Jacques Ferran en is tot 2006 uitsluitlik op stemme van sokkerjoernaliste gebaseer. Aanvanklik is dit slegs aan spelers uit Europa toegeken en was dit ook bekend as die Europese Sokkerspeler van die Jaar. In 1995 is die Ballon d'Or uitgebrei om alle spelers van enige oorsprong in Europese klubs in te sluit. In 2007 het die toekenning ’n wêreldwye prys geword, waar alle professionele sokkerspelers kwalifiseer het; boonop het afrigters en kapteins van nasionale spanne ook stemreg gekry, voordat dit in 2016 weer beperk is tot slegs joernaliste.
Tussen 2010 en 2015 is die toekenning in samewerking met FIFA saamgevoeg met die FIFA Wêreldspeler van die Jaar en herdoop tot die FIFA Ballon d'Or. Hierdie vennootskap het in 2016 geëindig, waarna die toekenning weer as die Ballon d'Or voortgesit is, terwyl FIFA sy eie aparte jaarlikse prys, The Best FIFA Men's Player, heringestel het. In 2022 het France Football die reëls verander: die tydsberekening is aangepas sodat die toekenning op ’n sokkerseisoen gebaseer is eerder as ’n kalenderjaar, en ’n internasionale jurie van gespesialiseerde joernaliste—een verteenwoordiger per land uit die top 100 in die jongste FIFA Mans Wêreldranglys—is ingestel om die wenner te bepaal. UEFA het sedert 2024 saam met France Football die Ballon d'Or-seremonie begin organiseer, terwyl France Football die stemstelsel en naam behou.
Lionel Messi het die Ballon d'Or ’n rekord agt keer gewen, gevolg deur Cristiano Ronaldo met vyf. Johan Cruyff, Michel Platini en Marco van Basten het elk die prys drie keer gewen, terwyl Alfredo Di Stéfano, Franz Beckenbauer, Kevin Keegan, Karl-Heinz Rummenigge en Ronaldo elk twee keer gewen het. Ousmane Dembélé is die huidige houer van die toekenning nadat hy die 69ste uitgawe in 2025 gewen het.
Wenners
[wysig | wysig bron]
Verwysings
[wysig | wysig bron]- ↑ Cox, Brad (22 September 2025). "What are the other awards at the Ballon d'Or gala? Explaining the different prizes and how they are won". The Sporting News. ISSN 1041-2859. Geargiveer vanaf die oorspronklike op 18 Maart 2026. Besoek op 18 Maart 2026.
- ↑ Sainz, Manu (2 Desember 2019). "Ballon d'Or 2019: Yachine Trophy: the candidates for the award". Diario AS. ISSN 1888-6671. Geargiveer vanaf die oorspronklike op 7 April 2023. Besoek op 25 Mei 2023.
- ↑ McVitie, Peter (31 Oktober 2023). "Who has won the most Ballons d'Or?". Goal. Geargiveer vanaf die oorspronklike op 17 April 2024. Besoek op 17 April 2024.