Santuario
| Santuario | |||||||||||
|---|---|---|---|---|---|---|---|---|---|---|---|
| |||||||||||
| |||||||||||
| |||||||||||
| Wikidata C:Commons | |||||||||||
Un santuario[1] (do latín sanctuarium) é un lugar sagrado dedicado a unha deidade, devanceiro, heroe, mártir, santo, demo, ou a unha figura de respecto similar, onde é venerada ou adorada. Os santuarios con frecuencia conteñen ícono,[2] reliquias ou outros obxectos asociados coa figura que se venera.[3] Un santuario en que se fan ofrendas votivas chámase altar.
Os santuarios atópanse en moitas relixións do mundo, incluídas o cristianismo, o islam, o hinduísmo, o budismo, a relixión tradicional chinesa, o xintoísmo, o paganismo xermánico e a fe Bahá'í, así como en ambientes seculares e non relixiosos, como os monumentos de guerra. Os santuarios situánse en contornas diferentes, como igrexas, templos, cemiterios, museos ou no fogar. Os santuarios portátiles tamén aparecen nalgunhas culturas.[4]
.jpg)
Tipos de santuarios
[editar | editar a fonte]Santuarios do templo
[editar | editar a fonte]Moitos santuarios atópanse dentro dos edificios e nos templos deseñados especificamente para o culto, como as igrexas cristiás ou os mandir do hinduísmo. O santuario adoita ser o centro de atención do edificio, e ten un lugar destacado. Neses casos, os seguidores da fe reúnense dentro do edificio para venerar a deidade no santuario. Na arquitectura clásica do templo, o santuario pode ser sinónimo da cella.
Santuarios domésticos
[editar | editar a fonte]Historicamente, no hinduísmo, o budismo e o catolicismo, e tamén en relixións modernas como o neopaganismo, é común atopar un santuario dentro da casa ou da tenda.[5] Este santuario adoita ser unha estrutura pequena ou unha configuración de imaxes e figuras dedicadas a unha deidade que é parte da relixión oficial, aos devanceiros ou a unha deidade doméstica.[6]
Santuarios de xardín
[editar | editar a fonte]No fondo dos xardíns de moitas persoas localízanse pequenos santuarios de diversas relixións. Algúns consisten, no caso do cristianismo, nunha imaxe de Xesucristo, a Virxe María ou un santo nun pedestal; algúns inclúen pinturas ou elementos arquitectónicos. Nos Estados Unidos algúns lembran a altares laterais cunha estatua colocada nun nicho ou gruta e que se coñecen coloquialmente como bathtub Madonna ("bañeira da Virxe").[7]
Santuarios ao bordo dos camiños
[editar | editar a fonte]- Artigo principal: Peto de ánimas.
En ocasións colócanse nas estradas ou camiños pequenas imaxes, en xeral dentro dalgún pequeno refuxio. Ás veces sitúanse nun asentamento ou nun cruzamento de camiños.
Notas
[editar | editar a fonte]- ↑ Definicións no Dicionario da Real Academia Galega e no Portal das Palabras para santuario.
- ↑ Keating, Karl. "Las estatuas no son necesariamente ídolos". Catholic Answers (en castelán). Consultado o 2025-12-31.
- ↑ Shrine
- ↑ "Portable shrine". Arquivado dende o orixinal o 19 de outubro de 2015. Consultado o 19 de outubro de 2015.
- ↑ "Buddhist shrines hidden in Chinatown’s shops". Arquivado dende o orixinal o 28 de febreiro de 2007. Consultado o 28 de febreiro de 2007.
- ↑ "Household Shrines". Arquivado dende o orixinal o 9 de decembro de 2019. Consultado o 9 de decembro de 2019.
- ↑ Front Yard Shrines and Wayside Shrines
Véxase tamén
[editar | editar a fonte] |
Wikimedia Commons ten máis contidos multimedia na categoría: Santuario  |
