Aaron Eckhart
|
C'l artìcul chè 'l è scrit in
Miranduléś |
Aaron Edward Eckhart (Cupartèṅ, 12 ad Mars dal 1968, a s lèś [ˈɛɹə.n ˈɛkhɑːɹt] in ingléś) 'l è 'n atōr americàṅ, candidâ a i Golden Globe in dal 2007 par la part dal lubìsta Nick Naylor in dla pelìcula Thank You for Smoking.
'L è cgnusû p'r al rōl ad Dó Faci in Il cavaliere oscuro ad Christopher Nolan e p'r al rōl dal presidènt americàṅ in Attacco al potere - Olympus Has Fallen e Attacco al potere 2.
Biugrafìa
Uriginàri dla Califòrgna, Aaron al crés prima in Inghiltèra e pò in Austràglia. Turnâ in di Stat Unî, al stùddia teàt'r e cìnema a la Brigham Young University in dua 'l cgnós al regìsta Neil LaBute ch'l al ciàma a far la part d'l impiegâ cìnig e manipuladōr Chad in Nella società degli uomini (1997), tacànd acsè na culaburasiòṅ ch'l al purtarà a giràr sèg anc la cumèdia Amici & vicini (1998), insém a Ben Stiller, Betty Love (2000), cun la Renée Zellweger, al drama sentimentàł Possession - Una storia romantica (2002), in còpia cun la Gwyneth Paltrow, e 'l film ad scarésa Il prescelto (2006) cun prutagunìsta Nicolas Cage.
In dla sò caréra 'l à laurâ cun di àtar regìsta impurtànt a Hollywood cuma Oliver Stone (in dal spurtìṿ Ogni maledetta domenica - Any Given Sunday insém a Al Pacino, a la Cameron Diaz e a Dennis Quaid), Steven Soderbergh (in dal biugràfic Erin Brockovich - Forte come la verità cun la Julia Roberts in di pagn dl'ativìsta Erin Pattee-Brockovich), Ron Howard (in dal western cun la Cate Blanchett e Tommy Lee Jones The Missing), John Woo (in dal thriller fantasietìfig Paycheck in du 'l à incruśâ Ben Affleck e l'Uma Thurman) e Brian De Palma ch'al 'l à dirèt in dal noir Black Dahlia cun Josh Hartnett, la Scarlett Johansson e l'Hilary Swank.
Fra i sò ùltim lavōr a 'rcurdém al fantàstic Il cavaliere oscuro (2008), cun Christian Bale in dla part ad Batman, al drama Rabbit Hole (2010), a fiànc dla Nicole Kidman, al thriller 'd asiòṅ Attacco al potere - Olympus Has Fallen (2013), cun prutagunìsta Gerard Butler, al film ad scarérsa I, Frankenstein (2014), faghénd la part dal móst'r ad Frankenstein, e 'l biugràfic Sully (2016) dirèt par Clint Eastwood.
In televiśiòṅ a 'l ém vist in dal série televiśìvi The Romanoffs e The First Lady in dla part dal presidènt americàṅ Gerald Ford.
Eckhart 'l è put e dimóndi riservâ. Al gh'à abû dal stòri cun la culéga Emily Cline, cun la cantànta Kristyn Osborn e cun l'atōra e mudèla Molly Sims sénsa però mai spuśàr-as.
Filmugrafìa
- 1992 - Testimonianza pericolosa (Double Jeopardy), regìa ad Lawrence Schiller – Film TV
- 1994 - Il massacro degli innocenti (Slaughter of the Innocents), regìa ad James Glickenhaus
- 1997 - Nella società degli uomini (In the Company of Men), regìa ad Neil LaBute
- 1998 - Amici & vicini (Your Friends & Neighbors), regìa ad Neil LaBute
- 1998 - Thursday - Giovedì (Thursday), regìa ad Skip Woods
- 1999 - Molly, regìa ad John Duigan
- 1999 - Ogni maledetta domenica - Any Given Sunday (Any Given Sunday), regìa 'd Oliver Stone
- 2000 - Erin Brockovich - Forte come la verità (Erin Brockovich), regìa ad Steven Soderbergh
- 2000 - Betty Love (Nurse Betty), regìa ad Neil LaBute
- 2001 - La promessa (The Plegde), regìa ad Sean Penn
- 2002 - Possession - Una storia romantica (Possession), regìa ad Neil LaBute
- 2003 - The Missing, regìa ad Ron Howard
- 2003 - Paycheck, regìa ad John Woo
- 2003 - The Core, regìa ad Jon Amiel
- 2004 - Suspect Zero, regìa ad E. Elias Merhige
- 2005 - Thank You for Smoking, regìa ad Jason Reitman
- 2005 - Neverwas - La favola che non c'è (Neverwas), regìa ad Joshua Michael Stern
- 2005 - Conversations with Other Women, regìa 'd Hans Canosa
- 2006 - Black Dahlia, regìa ad Brian De Palma
- 2006 - Il prescelto (The Wicker Man), regìa ad Neil LaBute
- 2007 - Sapori e dissapori (No Reservations), regìa ad Scott Hicks
- 2007 - Ti presento Bill (Meet Bill), regìa ad Bernie Goldman
- 2007 - Niente velo per Jasira (Towelhead), regìa 'd Alan Ball
- 2008 - Il cavaliere oscuro (The Dark Knight), regìa ad Christopher Nolan
- 2009 - Qualcosa di speciale (Love Happens), regìa ad Brandon Camp
- 2010 - Rabbit Hole, regìa ad John Cameron Mitchell
- 2011 - World Invasion (Battle: Los Angeles), regìa ad Jonathan Liebesman
- 2011 - The Rum Diary - Cronache di una passione (The Rum Diary), regìa ad Bruce Robinson
- 2012 - The Expatriate - In fuga dal nemico (Erased), regìa ad Philipp Stölzl
- 2013 - Attacco al potere - Olympus Has Fallen (Olympus Has Fallen), regìa 'd Antoine Fuqua
- 2014 - I, Frankenstein, regìa ad Stuart Beattie
- 2015 - My All American, regìa 'd Angelo Pizzo
- 2016 - Incarnate - Non potrai nasconderti (Incarnate), regìa ad Brad Peyton
- 2016 - Attacco al potere 2 (London Has Fallen), regìa ad Babak Najafi
- 2016 - Sully, regìa ad Clint Eastwood
- 2016 - Bleed - Più forte del destino (Bleed for This), regìa ad Ben Younger
- 2019 - Midway, regìa ad Roland Emmerich
- 2019 - Live! Corsa contro il tempo (Line of Duty), regìa ad Steven C. Miller
- 2020 - Wander - Inganno mortale (Wander), regìa dl'April Mullen
- 2023 - K9 - Squadra antidroga (Muzzle), regìa ad John Stalberg - Film TV
- 2023 - Ambush - L'imboscata (Ambush), regìa ad Mark Burman
- 2023 - The bricklayer, regìa ad Renny Harlin
- 2024 - Chief of Station - Verità a tutti i costi (Chief of Station), regìa ad Jesse V. Johnson
- 2024 - CIA - Un uomo nel mirino (Classified), regìa ad Roel Reiné
- 2026 - Deep Water, regìa ad Renny Harlin
Culegamènt estéran
Àtar prugèt
Wikimedia Commons contiene file multimediali su Aaron Eckhart
